Mga Eksena sa Grand Reunion

Pagsulod pa lang sa gate sa skul always ready na ang mga million-dollar smiles nilang Junrey ug Eyana sa post ni Angheng Gener. Kung si Angheng Gener maisogong moingon sa una ug “ID!”, pero silang Junrey ug Eyana moingon “hoy! palista asa para sa name tag…hehehe!” ug ang box-office nga tubag mao kini: “Unsaon man ni pagtaod?!” sige rakan tugotan nato kay waya man pod ta naanad mag name tag! Ü

Nanawagan na si Bernard, “Sige, sugdan na nato ang atong program. Gihangjo ang tanan sa pagplastar na ngadto sa ilang lingkuran”. Hala ka, kuyang man ang lingkuranan. Nanghuyam napud og bangko didto sa Section Saturn 4th Year…

Kinsay mag opening prayer??? (walay nakadungog!)

- nganung box-office man ni nga likayan gajud nga parte?!

kumusta naman u?”

-killing line ni Boying kang Melanie sa dihang nagkahigayon na gyud silang duha nga magkaestoryanahay! Hehe! Hehe! Hehe! Melanie unsa may inyong giestoryahan duha?

“naminjo na diay u?!”

- mao ni ang hiniusang pangutana sa tanan sa gipagawas nga sugilanon ni Rosemary Woolery sa iyang kaagi sa kinabuhi. Hehehe! “Kaluoy sa Diyos tulo na ang akong bigwis!” Ganyan talaga ang buhay weder-weder! Hehe!

Pulitiko Style: Hmmh! Bisan tuod si Konsehal Ronel ra ang pulitiko sa batch, pero murag pulitiko halos tanan nga nagpahayag sa mga mensahe diha sa pagsaysay sa ilang mga kaagi sa high school. Grabe na jud sila…!Apan wa na picturan si Ester samtang naulaw si Astrophel ug Samelyn mga mohikap og microphone.

“I am glad that the persons I’ve known before are still the same persons I meet this time” quipped Mrs. Erlinda B. Silvosa, a former Venus adviser and Guidance Counselor, who graced the affair. Ma’am Silvosa took the floor once again in counseling the Batch ’98 members not as students but as adults and professionals on their roles in the community. Also present were Ma’am Helen D. Celeste, Earth adviser; Ma’am Mildred Miñoza; and Ma’am Gerome Jarloc.

Human sa mga mensahe sa mga Teachers, gihatagan og simpleng Note of Appreciation and token sila Teacher Erlinda ug Teacher Helen. Gipahiluna dajun ang dinner. Human sa panihapun, nisunod ang parlor games, magic video-K singing, drinking ug organizational set-up meeting.

Niabot ang kapin sa duha ka oras sa paghatagay og opinyon kung unsay sunod himoon sa batch. Maajo gani nga niuyon ang tanan nga mag organisa og opisyales sa batch pagkatapus niestorya si Mr. Loloy Zamora, ang P.I.O sa ANHS Alumni Association. Ug mao ning musunod nga mga opisyales sa batch ‘98.

Program Video

Program Photos

Serbisyo Publiko sa Batch: Pagpananum og Kahoy

“Pastilan nagkakita napud ta after 10 years! Batch sige man ko kita nimo pero di nalang ko mamansin kay ulaw man ko. Saba diha! anaman jud ka esnabero!” Mao ni kasagaran nabatian niining unang adlaw sa Batch Grand Reunion, diin nagkahimamat na usab ang mga dating klasmets.

Gisugdan ang Batch Grand Reunion pinaagi sa usa ka hamubo nga pananum og kahoy (community service tree planting activity) isip usa ka serbisyo publiko sa komunidad labi na sa atong kaugalingong lungsod sa Alegria. Gipahigayon ang maong pagpananum didto sa Barangay Ouano niadtong Mayo 17, 2008 sa may alas 4:00 sa hapon ug hangtud nga nikilum-kilum. Ang nahisgutang pananum ug kahoy gipahigayon sa likod sa atong eskuylahan sa Alegria National High School.

Kini nga aktibidad gitambongan nilang mosunod: Batch Robert Rubio, Batch Hon. Ronil Labaso, Batch Zita Macabodbod-Lumayag, Batch Eyana Jamera, Batch Johny Natad, Batch Junrey Natad, Batch Bernard Orquina, Batch Vevencio Navos III, Batch Michael Aceron, Batch Joseph Reformina, Batch Engr. Roco Moca, ug sa aktibong opisyales sa nahisgutang barangay nga sila Kapitan Ferdinand L. Angob, Kon. Marina L. Odvina, Kon. Rodulfo S. Salino.  Dul-an sa singkwentay-singko ka seedlings nga lanzones, mangga, nangka, tambis ug marang ang gipananum.

Ang maong pagpananum gipahigayon gayud isip usa ka tubag sa hagit sa atong nagbag-o ug nagkainit na nga panahon nga gitawag og “climate change” o “global warming” ug isip pagtabang alang sa pagpreserbar sa atong kinaiyahan. Daku namong pasalamat sa mga nisanong sa maong awhag ug labi na sa gigikanan sa mga kahoy-igtatanum.

Tree Planting Video

Tree Planting Photos